Movilidade Francia

Na segunda movilidade Erasmus+ viaxamos ao norte de Francia. O centro que nos acolleu foi a École Anne Frank - Jean Moulin en Halluin, unha vila fronteiriza con Bélxica. Trátase dun centro de ensino infantil e primario, cunhas características e tamaño similares ao noso, co que compartimos obxectivos nos respectivos proxectos Erasmus+. Concretamente no relacionado co enfoque plurilingüe e a conciencia ecolóxica.

Na nosa estancia na escola puidemos observar diferentes sesións e participar do funcionamento xeral da escola. No tempo de observación visitamos aulas de diferentes niveis, dende Educación Infantil ata os últimos cursos de Educación Primaria. Foi moi proveitoso para nós ver como traballaban as distintas aulas, de xeito moi diverso, pero con moita coordinación entre niveis. Todo isto puidemos compartilo co claustro de profesorado do noso centro coa axuda dunha presentación que tamén queremos compartir e difundir ao resto da comunidade educativa: https://drive.google.com/file/d/1ZJaZ0WQuhm-pIv2lvn5CI9a1iYHXHY5E/view?usp=sharing

Un dos obxectivos do Erasmus+ é xerar continuidade nas relacións entre os centros. No noso caso, hai unha vontade de parte dos docentes de visitarnos o vindeiro ano e de que o alumnado de ambos centros colabore en relación a horta.